தளர்ந்து விட வேண்டாம் அல்லாஹ் இருக்கின்றான்

தளர்ந்து விடாதீர்கள்

மனஅழுத்தம்
இப்படி சொல்வது கவுரவக் குறைவாக நினைத்து
டென்ஷன் என்று சொல்லிக் கொள்கிறோம்

கவலையும் இப்போது மனஅழுத்தத்தின் கீழே வந்துவிட்டது
கவலை பயம் சந்தேகம் பதற்றம்
இவைகளெல்லாம்
மன அழுத்தம் இருப்பதற்கான அறிகுறிகள்

குடிகாரன் தவறு செய்தால்
போதையில் செய்துவிட்டான் என்று சொல்லுவதுன்டு
இப்பல்லாம்
டென்ஷனில்
இருந்தார்
அதனால் தற்கொலை  செய்துகொண்டார்

டென்ஷன் அதனால்
ரூபாய் நூறு கொடுப்பதற்கு ஐநூறு கொடுத்து விட்டார்      என்று
மன அழுத்தத்தில் இருப்பவர்கள் செய்யும் தவறுகளை சுட்டிக் காட்டப்படுகிறது

உலக அளவில் தற்கொலை செய்து கொள்பவர்கள் எண்ணிக்கையில் முஸ்லிம்கள்
சத விகிதம் மிகவும் குறைவாக இருப்பதாக கணக்கெடுப்பில் தெரிய வருகிறது
ஆரம்பத்திலிருந்து
நமது மனதில் பதிந்திருக்கும் மார்க்க போதனை தற்கொலையில் இருந்து பாதுகாக்கிறது

வரும் காலங்களில் மன அழுத்தத்தால் இறப்பு எண்ணிக்கை அதிகமாக இருக்கும் என்று ஒரு அறிக்கை சொல்கிறது அதிலிருந்தும் முஸ்லிம்கள் பாதுகாப்பு பெற வழியிருக்கிறது

அல்லாஹ்வின் மீது நம்பிக்கை வைத்து
தொழுது துஆ செய்வது
தன்னால் இயன்ற அளவு சதக்கா செய்வது
அதிகமாக திக்ரு செய்வது
நல்ல ஆலோசனை சொல்லக்கூடியவர்களிடம்
ஏற்பட்டிருக்கும் பிரச்சனைகளைச் சொல்லி
மசூரா எனும் ஆலோசனை செய்வது
இப்படி செய்தோமானால்
இறைவன் நாடினால்
பாதுகாப்பு பெறலாம்

மன அழுத்தம் வருவதற்கு சில காரணங்களைச் சொல்லலாம்
அதிகமான பணத்தேவையை ஏற்படுத்திக்கொள்வது
கடன் தொல்லைக்கு ஆளாவது
பேராசைகொள்வது
குடும்பத்தினர் செய்யும் தவறுகள்
கணவன் மனைவி பிள்ளைகள் ஒருவருக்கொருவர் அனுசரணை இல்லாமல் இருப்பது
குணங்களிலேயே கெட்ட குணமான பொறாமை கொள்வது
மூட நம்பிக்கை கொள்வது இதல்லாம்
மன உளைச்சலுக்கு காரணமாக அமைகிறது

மாணவ பருவத்திலும்
இந்த பிரச்சினை வருவதற்கான காரணங்கள்
நண்பர்கள் வட்டாரமும்
  சமூக வலைத்தளங்கள் மூலமாகவும்
பெற்றோர்களின் கவன குறைவாலும்
(குழந்தைகளின் மனநிலையை சரியாக அறியாமல்
பொருத்தமில்லாத பள்ளி கல்லூரிகள் தேர்ந்தெடுப்பதன் மூலமாகவும்)
இப்படி பல காரணங்களைச் சொல்லலாம்


வரும் காலங்களில்
புதிய
கல்விக் கொள்கை
குழந்தைகளின் மன அழுத்தத்திற்கு
பெரிதும் காரணம் ஆகிவிடுமோ
என்று அஞ்சப்படுகிறது

மறுமைக்காக கவலைப்படலாம்
இந்த உலகத்தில் நடப்பதெல்லாம் விதிப்படியே
அதனால் எதுவும் நடப்பதற்கு முன்பு முன்னெச்சரிக்கையாக இருக்க வேண்டும்
அதையும் மீறி நடந்து விட்டால்
கவலைப்பட்டு முடங்கி விடாமல்
அதிலிருந்து வெளியே வரும்
முயற்சியை தீவிரப்படுத்த வேண்டும்
அல்லாஹ் தனது திருமறையில் சொல்கிறான்

தளர்ந்து விடாதீர்கள் கவலைப்படாதீர்கள்
நம்பிக்கை கொண்டிருந்தால்
நீங்களே உயர்ந்தவர்கள்
திருக்குர்ஆன் 3:139

டென்ஷன் குறைய
மனதை ஒரு நிலைப்படுத்தி  அதிகமான பாவ மன்னிப்பு கேட்டு அல்லாஹ்வைப் புகழ்வது இதுவே நிரந்தர தீர்வாகும்

அல்லாஹ் அனைவரையும் பாதுகாப்பானாக!!!!!!